Interpresas liadas a la Confederaziun, sco la SBB u la Swisscom, na duain betg survegnir ina limita da paja dad in milliun francs per ils caders ils pli auts. Il Cussegl dals chantuns ha refusà ina tala proposta per la segunda giada. Cun quai è la fatschenta giud maisa. Cun questa decisiun è il plenum suandà la cumissiun da la politica da stadi.
Tranter auter è vegnì argumentà che la skizza dal Cussegl naziunal saja stada memia nundifferenziada.