Siglir tar il cuntegn
Inhalt

Svizra Serrar empè renovar staziuns pitschnas

Enstagl da renovar tut las staziuns fin il 2023 per ch’ellas fissan adattads per persunas cun sutgas cun rodas, serran las Viafiers federalas svizras fermadas pitschnas. Pertutgadas èn radund 40 staziuns.

Persuna cun sutga da rodas e gidanter.
Legenda: Bleras staziuns en Svizra ston anc vegnir renovadas. Keystone
  • Fin il 2023 vegnan pliras tschient staziuns ad esser accessiblas vinavant mo cun agid ester per persunas cun impediments.
  • 40 staziuns vegnan serradas – per la viafier fiss la renovaziun exagerada.
  • L'Uffizi federal da traffic investescha massivamain en la renovaziun da staziuns.

La lescha per l'egualitad da persunas cun impediments prescriva che tut las staziuns en Svizra stoppian esser tenor il basegn da persunas cun impediments fin la fin dal 2023.

Pir 800 da 1'800 staziuns prontas

L'Uffizi federal da traffic conferma che pir 800 da las 1800 staziuns sajan vegnidas renovadas. Quel augmenta uss la pressiun sin ils manaschis da viafier da far vinavant cun las renovaziuns.

RR novitads 10:00