Durant la pandemia ha il servetsch civil en Svizra absolvì 565 engaschis per situaziuns d’urgenza. Quai en il sectur social, sanadad e scola. Vinavant hajan es sustegnì ils chantuns cun far contact tracing. La gronda part da quests engaschis van a fin damaun. Quai ha communitgà l’Uffizi federal da servetsch civil.
En tut hajan ils commembers dal servetsch civil prestà dapi mez mars bundant 21’000 dis per engaschis en situaziuns d’urgenza. Ils pli blers han els prestà en il Tessin. Quel chantun era spezialmain ferm pertutgà dal coronavirus.
Sper ils engaschis en connex cun il coronavirus hajan ils «zivis» prestà dapli ch'in mez milliun dis da servetsch en il sectur social e da sanadad.
audio
Per tadlar: Las novitads da las 16:00
ord Novitads dals 30.07.2020.
laschar ir. Durada: 3 minutas 31 Secundas.