Tar il servetsch federal d'infurmaziun NDB datti grondas mancanzas en la gestiun ed administraziun dal persunal. A questa conclusiun vegn l'autoritad independenta da surveglianza dal NDB. Blers collavuraturs sajan malcuntents cun lur schefs, e quai sa mussia tar la lavur, di Prisca Fischer, la manadra da l'autoritad da surveglianza envers Radio SRF:
Ristga da spiunascha
Collavuraturas malcuntentas possian esser in privel da segirtad – i pudessia dar spiunascha u che datas vegnian enguladas. Il NDB haja gia cumenzà cun la reorganisaziun.
Ils mais passads era il persunal da la NDB adina puspè vegnì crititgà. Mez favrer ha la «NZZ am Sonntag» publitgà documents interns dal servetsch d’infurmaziun. Tenor quel n’avevan ils collavuraturs nagina fidanza en lur direcziun. L’onn 2022 hai ultra da quai dà bunamain trais giadas tantas desditgas sco usità.