Siglir tar il cuntegn

Header

Monitur da computer.
Legenda: Keystone
cuntegn

Servetsch d'infurmaziun Betg cuntrafatg sapientivamain a la lescha

Il servetsch d’infurmaziun da la Confederaziun (NDB) n’haja betg cuntrafatg sapientivamain a la lescha federala correspundenta. La secziun cyber dal NDB haja dentant interpretà mal la situaziun giuridica. A questa conclusiun vegn l’inquisiziun administrativa dal departament da defensiun.

Concret èsi i per la procuraziun d’infurmaziuns ils onns 2015 enfin 2020, per las qualas il servetsch d’infurmaziun da la Confederaziun, l'anteriur servetsch secret, n’aveva nagina lubientscha dal Tribunal administrativ federal.

Tranter auter saja vegnì observà il traffic sin servers che sajan vegnids duvrads da cybercriminals da l’exteriur che hajan fatg attatgas cunter interpresas ed instituziuns svizras u ch'hajan attatgà da la Svizra anora indriz ed instituziuns en l'exteriur. Il rapport concluda bain ch'il NDB haja pudì impedir attatgas da cyber grazia a las infurmaziuns rimnadas senza lubientscha, i dovria en il futur dentant meglras controllas internas. Viola Amherd, la scheffa dal departament da defensiun ha incaricà il NDB d'examinar e realisar las recumandaziuns.

audio
Per tadlar: curt e cumpact
ord RTR Audio dals 12.12.2022.
laschar ir. Durada: 1 minuta 16 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga