La mancanza da persunal qualifitgà s'augmenta ad in s'augmentar en Svizra. Tenor l'index dal servetsch da persunal Adecco è la situaziun precara sco anc mai. L'onn 2023 ha la mancanza da persunal cuntanschì valurs da record.
La mancanza è pli acuta, malgrà che l'economia è levet pli debla che l'onn passa. I dettia 7% dapli plazzas avertas, dentant main persunas che s'annunzian sin quellas. Uschia è la mancanza da persunal vegnida per 24% pli gronda, en la mesiraziun d'Adecco.
Cunzunt la gastronomia, il sectur da sanadad ed il sectur d'inschigneria hajan fadia d'occupar plazzas libras. Pertutgà è cunzunt il sectur intern.
Nov è ch'i daventa adina pli fitg ina mancanza generala da persunal. Er tar plazzas libras che dovran main qualificaziuns manca la glieud che s'annunzia, di il servetsch da persunal Adecco.