Ils voluntaris da l'organisaziun «Nez Rouge» han charrà a chasa passa 35'200 persunas sur ils dis da festa. Tut en tut èsi vegnì fatg 16'800 viadis, en acziun eran 10'700 voluntarias e voluntaris. Quai ch'è in nov record da gidanters, sco quai ch'ils responsabels communitgeschan. L'onn passà avevan ils radund 10'000 voluntaris anc fatg 16'000 viadis.
Ils teams da «Nez Rouge» èn mintgamai da viadi en trais. Ina persuna è il manischunz, la segunda accumpogna quella e la terza suonda ellas en l'auto da «Nez Rouge». Silsuenter transportescha quella lura enavos ils dus collegas tar la centrala u tar il proxim transport.
RTR novitads 15:00
