Svizra - Servetsch secret survegn dapli datas da passagiers da sgol
Il servetsch secret svizzer survegn en l'avegnir dapli datas da passagiers da sgol. A partir da l'atun ston societads aviaticas che sgolan da Neu Dehli, Hongkong, Mumbai, Muskat e Singapur en Svizra numnadamain annunziar tut las datas da passagiers a las autoritas svizras.
L'obligaziun d'annunzia va en vigur l'october quai ha decis il secretariat statal per migraziun. Davent lura ston las societads aviaticas annunziar las persunalias ed indizis sin documents da viadi, eroport final e da partenza sco er il temp d'arrivada. Il secretariat statal per migraziun ha prendì questas mesiras sin basa d'ina analisa da ristg.
