Il Cussegl federal na vul er el futur betg sustegnair singulas interpresas u branschas cun subvenziuns – quai vala er per l'industria svizra d'atschal. Quai ha il minister d'economia, Guy Parmelin, ditg sco reacziun sin ina moziun or dal parlament che vuleva proteger l'industria svizra d'atschal.
Il Cussegl veglia tenor Parmelin evitar d'entrar ina cursa da concurrenza cun l'exteriur. Enstagl saja la finamira da crear meglras cundiziuns generalas. Per exempel veglian ins s'engaschar cunter la sfalsificaziun dal martgà sin nivel internaziunal. In problem da l'industria d'atschal svizra è numnadamain l'artificial augment dals pretschs d'import d'atschal svizer. Là haja la Svizra tenor Parmelin sa dustà durant la cumissiun a Brüssel.
L'industria svizra d'atschal è dacurt stada sut pressiun. Per ina pervi dals pretsch d'engeria ch'èn auts. Per l'autra perquai ch'il producent d'atschal «Stahl Gerlafingen» en il chantun Soloturn: El serra fin matg in da ses lieus da producziu. 68 persunas stossian vegnir relaschadas tenor la communicaziun dal producent.
