Siglir tar il cuntegn

Header

audio
Sessiun Berna: Exports d'armas – cuntraproposta
Or da Actualitad dals 03.06.2021.
laschar ir. Durada: 04:16 minutas.
cuntegn

Sessiun a Berna Chombra pitschna vul reglas pli severas per exportar armas

Il Cussegl dals chantuns vul reglar en ina lescha, sut tge cundiziuns che material da guerra dastga vegnir exportà. En pli ha el fatg pli restrictiv la cuntraproposta dal Cussegl federal a l'iniziativa da correctura e stritgà in artitgel ch'avess lubì al Cussegl federal da lubir excepziuns.

Il Cussegl dals chantuns ha la gievgia decis da recumandar da dir Na a l'iniziativa dal pievel cunter exports d'armas en regiuns da conflict, l'uschenumnada iniziativa da correctura. La decisiun è crudada cun 30 cunter 13 vuschs.

Cun 30 cunter 11 vuschs ha la Chombra pitschna dentant approvà la cuntraproposta indirecta dal Cussegl federal. En in punct ha il Cussegl dals chantuns dentant fatg pli restrictiv quella: La cuntraproposta dal Cussegl federal prevesa ina clausula d'excepziun. Tenor quella duess il Cussegl federal er vinavant avair la cumpetenza – en cas da circumstanzas extraordinarias – da deviar dals criteris da lubientscha.

Stretga decisiun

Ina maioritad or da cussegliers e cusseglieras da l'Allianza dal Center, da la PS e dals Verds ha il Cussegl dals chantuns stritgà questa clausula d'excepziun – quai cun 22 cunter 20 vuschs tar 2 abstenziuns.

La Chombra pitschna vegn cun questa decisiun encunter als inziants da l'iniziativa da correctura en in punct central. Be sut la cundiziun che questa clausula vegnia stritgada, eran ils iniziants numnadamain sa mussads pronts dad examinar ina retratga da l'iniziativa.

audio
Per tadlar: Las novitads da las 12:00
05:07 min, RTR Audio dals 03.06.2021.
laschar ir. Durada: 05:07 minutas.

RTR novitads 12:00

Artitgels legids il pli savens

Scrollar a sanestra Scrollar a dretga