La sessiun da giuvenils 2020 è stada online e betg en la Chasa federala a Berna. Sco tema principal han ils giuvenils elegì la globalisaziun e sias consequenzas.
La presidenta da la Confederaziun Simonetta Sommaruga ha respundì numerusas dumondas da giuvenils en in livestream da video – ed era prendì encunter intgins impuls. Sommaruga ha ludà ils giuvenils che sajan per gronda part sa depurtads cun grond senn da responsabladad en la crisa da corona.
L'onn proxim giubileum
La Sessiun da giuvenils ha lieu dapi il 1991 mintg’onn. Normalmain discutan 200 giuvnas e giuvens or da tuttas regiuns durant quatter dis en Chasa federala a Berna.
