Quai fissan circa set milliardas francs mintg'onn. Oz stattan a disposiziun a l'armada circa 5,6 milliardas. L’augment na duai dentant betg succeder en in pass, mabain repartia sin ils proxims onns enfin il 2030.
Tenor ils adherents da la moziun duain ils daners supplementars gidar a modernisar pli spert l'armada svizra. La guerra en l’Ucraina mussia che ina guerra possia era anc oz rumper ora en l'Europa. L'armada svizra stoppia perquai esser abla da proteger la populaziun.
Che l'armada stoppia vegnir adattada a las smanatschas actualas vesan era ils adversaris da la moziun. Quai stoppia dentant schabegiar sin basa dad in'analisa actuala. Da simplamain dar daners e betg savair per tge saja pauc prudent.
Sco proxim tracta il Cussegl dals chantuns ina moziun sumeglianta.