Siglir tar il cuntegn

Svizra Set burgais svizzer-tircs dastgan puspè bandunar la Tirchia

Set persunas ch'èn burgais da la Svizra e da la Tirchia dastgan puspè bandunar il pajais. Quai ha annunzià l'ambassadur tirc en Svizra.

Ambassadur tirc Ilhan Saygili
Legenda: Ilhan Saygili l'ambassadur tirc en Svizra, ha annunzià ch'il scumond da bandunar la Tirchia vegn schlià per las 7 persunas. Keystone

La raschun ch'ils set burgais dubels d'astgan bandunar la Tirchia è ch'il stadi d'urgenza en la Tirchia vegn schlià mesemna che vegn, ils 18 da fanadur 2018.

La Tirchia haja retegnì ils set pertutgads suenter l'emprova da putsch il fanadur 2016 u perquai ch'els duain avair gì contacts cun organisaziuns scumandadas. Quai scriva il Departament federal dals fatgs exteriurs.

RR novitads 15:00