La situaziun actuala na saja il mument betg dramatica, dentant saja ils purs sco sin spinas. Fin ussa haja pluvì gist anc avunda per las cultiras. Per ils tartuffels e las ravas da zutger saja existenziala la plievgia, uschia Helfenstein.
Blers purs hajan anc da sbatter cun la setgira da l'onn passà. Il nivel da l'aua sutterrana saja anc adina bass.
Purs fan dapli assicuranzas
Adina dapli purs fetschian assicuranzas encunter la mancanza da racolta pervia da la setgira. Era per quest onn quintan ins cun ulteriurs contracts d'assicuranza per sa proteger da la setgira, uschia l'assicuranza «Hagel Schweiz».
RR novitads 18:00