A Basilea nua che 12% da tut ils imports en Svizra vegnan transtgargiads pon las navs da vitgira il mument anc navigar sin il Rain. Plinengiu, en la regiun da Koblenz, è il livel da l'aua però uschè bass ch'il transport da bartgas na renda strusch pli. Pon quellas be transportar ina chargia reducida vegn il transport numnadamain pli char. L'axa da Rotterdam fin Basilea è il mument perquai de facto interrutta.
Provediment sto esser garantì
Ils importaders svieschan sche pussaivel sin via e rodaglia. Là èn las capacitads però tant sco exaustas. Per pudair garantir il provediment d'ieli en Svizra ston las firmas pli tard puspè augmentar lur reservas. Tenor la constituziun ston quellas tanscher per quatter mais e mez.
RR novitads 06:00
