A lur dieta d'atun tradiziunala d’atun a Delemont (JU) la fin d'emna passada han las dunnas cristiandemocraticas fixà lur strategia.
«Duas candidatas ... ed ina cussegliera federala!»
Quai saja la finamira a media vista e per quella lavurian ellas gia dapi intginas emnas, scrivan las dunnas da la PCD en lur communicaziun a las medias. Las dunnas vulan manifestar uschia la pretaisa da las dunnas pli qualifitgadas en la partida. Quellas sajan qualifitgadas optimalmain per quest uffizi executiv impurtant.
La mira da las dunnas da la PCD saja d’occupar il sez da Doris Leuthard er suenter sia demissiun cun ina dunna da la PCD, ha ditg la presidenta Babette Sigg Frank sin dumonda da l'agentura da novitads svizra SDA.
La presidenta da la Confederaziun actuala Doris Leuthard aveva gia annunzià da vulair sa retrair il 2019.
RR novitads 12:00