Il segund davos sgol da repatriaziun dal Departament federal d’affars exteriurs è sa tschentà oz a Turitg. L’aviun è turnà da l’India. Tut en tut ha il departament transportà a chasa fin uss bunamain 7'200 persunas.
Davos sgol l'emna proxima
Mesemna, ils 29 d'avrigl è previs il probabel ultim sgol da repatriaziun cun passagiers or da l’Africa. Sco il departament scriva, veglian ins uss metter il focus sin la cussegliaziun da persunas Svizras ch'èn anc adina en l'exteriur.
Cumenzà avant in mais
Avant in mais aveva il Departament d'affars exteriurs lantschà sia pli grond'acziun da repatriament da l'istorgia. Quai en collavuraziun cun las societads aviaticas Swiss, Edelweiss ed Helvetic.
Las persunas repatriadas ston sa participar vi dals custs.
audio
Per tadlar: Las novitads da las 12:00 uras
ord Novitads dals 26.04.2020.
Maletg: Grafica RTR
laschar ir. Durada: 5 minutas 8 Secundas.
