- Las colonnas en Grischun èn sa schliadas. Sin l'autostrada A13 sco er tranter Cuira e Panaduz passa il traffic puspè senza impediments. La sonda suentermezdi hai per part dà colonnas e temp da spetga da passa 45 minutas en direcziun sid.
La situaziun actuala
Situaziun al Gottard
Entant èn era las colonnas davant il portal nord e sid dal Gottard sa schliadas. La sonda è la colonna sa prolungada aifer curt temp enfin sin 14 km. Quai ha dà enconuschent il TCS via twitter. Davant il portal dal nord dal tunnel dal Gottard stuevan las automobilistas ed ils automobilists e lur passagiers spetgar fin duas uras. Gia il venderdi hai dà sin l'autostrada A2 ina colonna da fin 10 km.
Colonnas al cunfin
In'ulteriura prova da pazienza ha spetgà a Chiasso (TI) al cunfin cun l'Italia. La polizia chantunala dal Tessin ha per part annunzià fin 5 kilometers colonna tranter Coldrerio ed il passadi sur cunfin.
