Siglir tar il cuntegn

Svizra SGV vul schluccar lescha da lavur

L'Uniun d'artisanadi e mastergn (SGV) pretenda da schluccar la lescha davart il temp da lavur e da ruaus. En l'avegnir duajan emnas da lavur cun fin a 50 uras esser pussaivlas. Era las prescripziuns da pausa ed il temp da lavur maximal duajan vegnir pli flexibels.

Situaziun da biro cun dischurden sin il pult.
Legenda: Emnas cun fin a 50 uras da lavur duajan vegnir lubidas en l'avegnir. La lescha vertenta lubescha emnas da lavur cun maximal 45 uras da lavur. Keystone

La lescha da lavur d'ozendi s'orienteschia ad in maletg da lavur antiquà. Oz lavurian dentant trais da quatter emploiads en la branscha da servetsch. Cun la digitalisaziun sajan ins plinavant adina damain dependent dal plaz da lavur en la firma.

Il sindicat Unia ha immediat crititgà la proposta dal SGV da far la lescha da lavur vertenta pli flexibla. La Unia avertescha che l'Uniun d'artisanadi e mastergn attatgia il fundament da la protecziun da lavurants e lavurantas.

RR novitads 14:00