La milissa terroristica Stadi Islamic è anc adina preschenta en l'Irac e la Siria. Tenor in rapport dal servetsch secret sajan anc plirs millis cumbattants preschents. Malgrà sias grondas perditas haja la milissa anc adina 8 sutgruppaziuns.
Cun quai cuntradi il rapport ad ina valitaziun da Donald Trump. Il december aveva el numnà il cumbat gudagnà ed ha instradà da retrais ils 2'000 schuldads ch'èn anc en la Siria. Dapi lura ha Trump dentant adina puspè relativà sia annunzia.
Il directur dal servetsch secret ha plinavant avertì dad ussa tralaschar il cumbat cunter il terror. Quai possia gidar al SI da sa revegnir e da schlargiar sia preschientscha. I saja fitg probabel che l'SI planiseschia vinavant attatgas terroristicas en auters pajais sco ils Stadis Unids e ses partenaris.
RR novitads 09:00