Il concern chinais stgaffescha novas plazzas en ses lieu da producziun a Frauenfeld. Aifer ils proxims dus onn dai il dumber da persunal vegnir augmentà per 30%. Tut las buttiglias d'aluminium e plastic duain vinavant vegnir producidas per tschient pertschient en Svizra, communitgescha la SIGG.
Vendita sco i para succedida
L'october 2015 eri vegnì enconuschent che la firma chinaisa Hears veglia cumprar SIGG. Il favrer 2016 ha l'emissiun da televisiun «Schweiz aktuell» rapportà ch'ils collavuraturs da SIGG sajan vegnids infurmads davart la vendita. Il pretsch da cumpra per la SIGG muntia a 16,1 milliuns francs. Uffizialmain n'ha il concern dentant betg confermà la cumpra. Uss pari dentant d'esser accumplì. La communicaziun dad oz è l'emprima che numna uffizialmain Hears sco nov possessur.
RR novitads 15:00