La proposta moderata da favurisar lavurants svizzers tar plazzas libras chatta sco i para dapli accoglientscha a Brüssel che spetgà. Sco quai ch‘in diplomat da l’Uniun Europeica ha ditg envers radio SRF sajan ils signals positivs curt avant ch’il parlament svizzer decida co realisar l’iniziativa cunter l’immigraziun da massa. Ina buna schliaziun paria pussaivel.
Las bleras partidas svizras èn satisfatgas da la reacziun da l’UE. La proposta moderata da favurisar lavurants svizzers pretenda che plazzas libras vegnan annunziadas l'emprim als uffizis da lavur.
RR novitads 8:00