Siglir tar il cuntegn

Header

cuntegn

Svizra Sika cun gudogn da record

L'emprima mesada da l'onn current è quel s'augmentà per 25% sin 246,3 milliuns francs cumpareglia cun la medema perioda dal 2015. E quai malgrà la dispita da surpigliada cun il concurrent franzos Saint-Gobain.

Er la svieuta è s'augmentada per 6,9% sin il record da 2,8 milliardas francs. Quai ha communitgà il concern svizzer. D'attribuir saja quest resultat cunzunt a la creschientscha economica en l'America dal Nord. Sika ha rinforzà la finamira da crescher quest onn per 6-8% e d'augmentar las marschas da gudogn surproporziunalmain.

Dispita davart fusiun cuntinuescha

La direcziun da Sika sa dosta vinavant cunter l'acquisiziun da l'interpresa tras il concern Saint-Gobain. La famiglia fundatura perencunter vul vender ses pachet d'aczias per 2,75 milliardas francs al concern franzos. La fin finala vegnan las dretgiras a decider davart il futur da Sika.

RR novitads 12:00

Artitgels legids il pli savens