Tar la radunanza generala dad oz han ils acziunaris da Sika puspè vuschà cunter remplazzar il cussegl d'administraziun actual. Quai fiss dentant la premissa per ch'ils ertavels dal concern pudessan vender lur cumparts al concurrent franzos Saint-Gobain. Profitaders d'ina tala vendita fissan ils ertavels, ils ulteriurs acziunaris dentant betg.
Cuntanschì quest resultat en sia favur ha il cussegl d'administraziun cun limitar ils dretgs da vuschar dals ertavels.
RR novitads 18:00
