L'SBB stoppia sa concentrar sin sia fatschenta principala, vul dir segirezza, fidadadad e punctualitad. Uschia appellescha la ministra da traffic Simonetta Sommaruga en in discurs cun il radio SRF a las Viafiers federalas.
Vi e nà tar project immobigliars
L'entschatta da l'onn ha l'SBB communitgà da vulair metter sin glatsch divers projects immobigliars en la Svizra franzosa, Turitg e Berna en la valita da 700 milliuns francs. Quai pervi da difficultads finanzialas. Be in mais pli tard ha l'interpresa communitgà, da tuttina vulair cuntinuar cun quests projects.
Metter prioritads
Sommaruga ha ditg che la Confederaziun dettia passa ina mesa milliarda dapli a l'SBB. Tar situaziuns finanzialas difficilas saja da metter prioritads, cun focus sin il manaschi da viafier. Sche l'SBB possia gudagnar daners cun immobiglias saja quai legraivel. En ina situaziun da finanzas fitg tendida stoppian ins ussa metter prioritads.