Siglir tar il cuntegn

Header

Simonetta Sommaruga.
Legenda: In onn suenter la chauma da dunnas ha Simonetta Sommaruga tratg bilantscha. Keystone
cuntegn

Simonetta Sommaruga: Las pretensiuns dad avant in onn sajan anc adina actualas

In onn suenter la chauma da las dunnas ha la presidenta da la Confederaziun, Simonetta Sommaruga, tratg bilantscha ad ina discussiun al podium a Friburg. Las pretensiuns dad avant in onn sajan anc adina actualas, hai num en ina communicaziun da l'UVEK.

En la tgira da malsauns sco er dad uffants, en la vendita, al spurtegl ed er en bleras autras professiuns hajan las dunnas mussà l'ultim temp grondas prestaziuns. Per dumagnar la crisa da corona hajan ellas bler lavurà davos las culissas, sajan dentant stadas irremplazablas. La lavur che dunnas fan duaja perquai valair dapli e quai schebain finanzialmain sco er socialmain.

Chauma da dunnas

Ils 14 da zercladur 2019 eran passa in mez milliun dunnas idas sin via en Svizra. Sut il motto «Paja. Temp. Respect.» èn ellas s'engaschadas per che lur lavur vegnia valitada finanzialmain sco er socialmain meglier e per ch'i dettia per la tgira dad uffants dapli temp e daners.

Ord l'archiv:

video
Extra muros – Chauma da dunnas – «Rispetto. Dapli temp. Mehr Lohn»
Or da Telesguard dals 14.06.2019.
laschar ir

RTR novitads 14:00

Artitgels legids il pli savens

Ir a sanester Ir a dretg