Siglir tar il cuntegn

Svizra Simpatisant dal SI sentenzià be sut surveglianza da la polizia

In giuven da Winterthur che sustegna la milissa terroristica Stadi islamic e ch’il Tribunal penal federal ha sentenzià dacurt, resta ad interim senza surveglianza uffiziala. La Polizia chantunala siglia en.

Bajetg da giustia.
Legenda: Fin ch'i dat ina sentenzia a scrit na pon ils derschaders a Bellinzona na far nagut. Keystone

L'advocat dal simpatisant dal SI ha pretendì ina sentenzia a scrit. Perquai na po il chastì cundiziunà inclusiv assistenza da reabilitaziun betg entrar en vigur. Fin che la sentenzia a scrit è avant maun pudessi cuzzar plirs mais.

Ils derschaders federals a Bellinzona avevan sentenzià il burgais dubel svizzer libanais a 18 mais praschun. En il medem mument ha la dretgira ordinà assistenza da reabilitaziun perquai che l'um da 26 onns saja d'influenzar levamain.

Fin che la sentenzia va en vigur, vegn la polizia dal chantun Turitg activa. Ella vegn ad esser en contact cun il simpatisant da la milissa terroristica ed accumpagnar el. Detagls n'ha la polizia però betg numnà.

RR novitads 12:00