Siglir tar il cuntegn

Header

cuntegn

Sin buna via Cunvegna per refurma da cassas da pensiun è chattada

Patruns e lavurants èn sa cunvegnids da refurmar la cassa da pensiun. Quai rapporta l’agentura da novitads da la conferenza da medias da las organisaziuns da patruns e lavurants.

La cunvegna prevesa da sbassar la tariffa da conversiun sin 6%. Per questa concessiun da las organisaziuns dals lavurants duai vegnir ameglierà il provediment en la vegliadetgna per quellas persunas che gudognan be pauc.

Questas decisiuns han annunzià ils partenaris socials a Berna. Suenter che l’ultima refurma da rentas aveva fatg naufragi a l’urna aveva il Cussegl federal incumbensà ils partenaris socials, da far in cumpromiss.

Basa dal cumpromiss è uss in’idea ch’era gia part da la proposta ch’ha fatg naufragi a l’urna– numnadamain l’idea da vulair sbassar la tariffa da conversiun. Quella giada avess il sbassament dentant stuì vegnir collià cun l’AVS. Er pervi da questa cumbinaziun haja la proposta fatg naufragi a l’urna, scriva la SDA.

audio
Refurma da rentas – ina valitaziun da noss correspundent
ord Actualitad dals 02.07.2019. Maletg: RTR
laschar ir. Durada: 6 minutas 35 Secundas.

RR actualitad 12:00

Artitgels legids il pli savens