Per ina giada è l'enviern arrivà punctualmain sin l'entschatta december – l'entschatta da l'enviern – en la Bassa. Damai che la front d'aria fraida è vegnida nà dal nordvest, survegnan il Grischun e las regiuns da la Svizra da l'ost pir cun retard l'emprima naiv. La damaun hai gì tranter 4 e 6 centimeters naiv en la Bassa. Quella era dentant bletscha e damai ch'il terren è anc chaud, è la naiv spert crudada ensemen.
L'entschatta da l'enviern meteorologic è il prim da december e cuzza fin la fin favrer. E l'emprima naiv ha sco uschè savens, era chaschunà serias d'accidents sin via – uschia 40 en il chantun Turitg, 25 en il chantun Berna e 12 en il chantun Lucerna.
Ord l'archiv:
Ils ultims dis è l'aura stada fitg bella sch'ins è stà sur la tschajera. Là hai dà sulegl. Il Minisguard ha declerà il fenomen da la tschajera.
