Sindicat è cunter pli lungs temps d'avertura da butias

L'Uniun sindicala svizra vul lantschar il referendum sch'il parlament di en la sessiun da stad definitivamain gea a pli lungs temps d’avertura da butias. Cun quai sa mussa in’allianza dals sindicats e la PS cunter la liberalisaziun dals temps d’avertura da butias.

Ina porta blaua d'ina buttia en il tessin cun scrit si ils temps d'avertura. Bild in Lightbox öffnen.

Legenda da maletgs: La cumissiun economica dal Cussegl dals chantuns ha recumandà d'acceptar la nova lescha. Keystone

Gia il favrer aveva il sindicat Unia smanatschà da vulair cumbatter pli lungs temps d’avertura cun tuts meds necessaris. Dacurt ha er la secziun grischuna da l’Unia annunzià sumegliantas mesiras per la citad da Cuira. Er il president da la PS Christian Levrat sa defenda cunter la liberalisaziun dals temps d’avertura.

Uschè lunsch n’èsi però anc betg. Entant ch’il Cussegl naziunal è per ina liberalisaziun, aveva il Cussegl dals chantuns refusà la lescha durant l’emprima consultaziun. Uss parta la Chombra pitschna en ina segunda runda. En la sessiun da stad tracta il Cussegl dals chantuns anc ina giada las uras d'avertura da butias.

RR novitads 14:00