La candidatura «Sion 2026» per ils gieus olimpics d’enviern en il Vallais ch’ha fatg naufragi, ha custà radund 6,3 milliuns francs. Quai stima la gasetta «Le Matin Dimanche». Il schef da la candidatura da Sion haja confermà questa summa envers la gasetta da la dumengia. L’Uffizi federal da sport e la Swiss Olympic Association avevan communitgà ch'il resultat finanzial na saja però anc betg avant maun.
Tenor l'artitgel da «Le Matin Dimanche» hajan ins duvrà ils daners per il marketing, il studi davart la realisabladad, custs d’informatica e pajas. Il quint saja vegnì repartì en parts egualas sin la Confederaziun, Swiss Olympic e las autoritads localas involvidas.
La citad canadaisa Calgary haja percunter investì radund il dubel per sia candidatura ch’ha medemamain fatg naufragi, scriva la gasetta da la Svizra franzosa.
Ils gieus olimpics d’enviern 2026 èn a Milaun e Cortina d’Ampezzo.
RR novitads 12:00
