Tenor il motto «Gieus, sco nus vulain», han ils aderents da la candidatura olimpica «Sion 2026» preschentà a Naters lur campagna. Cussegliera naziunala Viola Amherd da la PCD ha ditg ch'ils gieus duain daventar ina gronda festa en il cor da las Alps.
Ils adversaris da la candidatura han lantschà lur campagna gia mardi. Ils gieus sajan memia chars, l'organisaziun betg persistenta, han els argumentà.
Il suveran vallesan decida ils 10 da zercladur davart ina candidatura.
RR novitads 15:00
