Siglir tar il cuntegn
cuntegn

Svizra Sis Svizzers morts tar accident en Svezia

Carta.
Legenda: Sin in stradun en la vischinanza da la citad Kiruna èn ils sis Svizzers sa disgraziads. SRF

6 Svizzers èn morts en Svezia tar ina collisiun d’in camiun cun in bus pitschen. In ulteriur Svizzer è vegnì blessà. Quai ha confermà il Departament federal d’affars exteriurs EDA en ina communicaziun.

L’accident è capità la notg sin sonda sin in stradun en il sidost da la citad Kiruna en il nord da la Svezia. Las circumstanzas da l'accident eran la dumengia anc betg enconuschentas. Tenor emprimas enconuschientschas sa chattavan ils giuvens Svizzers – tuts naschids en ils onns 1990 – sin via a chasa da lur vacanzas dad ir cun skis.

Sco l’EDA scriva vinavant, ha il minister da l’exteriur, Ignazio Cassis, condolà als confamigliars.

RR novitads 14:00