Siglir tar il cuntegn

Header

cuntegn

Svizra «Sistem economic gist per la pasch»

Pli che 1'000 persunas han durant il marsch da Pasca a Berna demonstrà per in sistem economic pli gist.

«Noss bainstar sa basa sin il fatg ch'auters umans ston lavurar sut circumstanzas che nus n’acceptassan mai per nus sezs», han ils organisaturs dal marsch da Pasca tradiziunal a Berna scrit sin lur pagina d'internet. Bains da consum vegnian producids cun trair niz dad auters e l'ambient local e global vegnia mess en privel per amur d'ina producziun bunmartgada.

Cun il marsch han ins vulì reguardar ch'ins possia midar quest sistem. Uschia haja il mund dal vest la pussaivladad da diriger il sistem en ina direcziun pli gista. Quai dentant mo sch'ins na saja betg mo fixà sin l'agen profit, mabain er sin la responsabladad, maniera, amur per il proxim e solidaritad umana.

Sustegn da l'iniziativa

Divers pledaders han a la fin dal marsch fatg reclama da sustegnair l'iniziativa che pretenda responsabladad da concerns. L'iniziativa pretenda che interpresas ch'han en sez en la svizra saja obligadas da resguardar ils dretgs d'umans e da protecziun d'ambient er en l'exteriur.

Organisaziun

Avrir la box Serrar la box

Radund 40 organisaziuns politicas e da la baselgia stattan davos il marsch. La tradiziun dal marsch da Pasca datti a Berna gia dapi il 2003.

RR novitads 18:00

Artitgels legids il pli savens