Svizra - Sistem electronic per la surveglianza da persunas
A partir da l’emprim da schaner 2018 pon delinquents vegnir survegliads a moda electronica en Svizra. Quai vala empè da curts chastis da detenziun u a la fin da lungs chastis da detenziun.
Fin che la soluziun naziunala entra en funcziun metta il chantun Turitg a disposiziun sia tecnica sco soluziun transitorica ad auters chantuns. Da questa purschida fa era il Grischun diever. La regenza grischuna ha approvà la cunvegna tranter ils dus uffizis per l’execuziun giudiziala.
