Siglir tar il cuntegn

Svizra Situaziun da fugitivs al cunfin Serbia-Ungaria

Subotica è ina citad en Serbia sin il cunfin cun l’Ungaria. Ed a Subotica sa chatta in champ per fugitivs; in champ da transit. Blers dals fugitivs vegnan da la Siria, stattan ina fin 2 notgs a Subotica e cuntinueschan lura lur viadi vers l’Europa dal Vest.

Ina dunna ed in uffant sin la fugia en in tren.
Legenda: La notg passada èn bunamain 2'000 fugitivs arrivads davent da l'Ungaria sur l'Austria fin a Minca en la Germania. Keystone

Quai di Jürg Brandenberger, el è stà là per la Rundschau. Ils blers dals fugitivs nizzegian il champ a Subotica per ruassar, per mangiar, baiver e per sa lavar. Lura cuntinueschan els lur viadi, e quai malgrà ch’i dat ina saiv tranter la Serbia e l’Ungaria.

Blers dad els han vis sgarschur, han stuì tras champs da minas ed han vis, co auters fugitivs èn vegnids sajettads dasper els. La suletta finamira dals fugitivs è tenor Jürg Brandenberger da vegnir en l’Europa dal Vest, il pli gugent en Germania. La raschun è ch’i è sa tschantschà enturn tar ils fugitivs che las schanzas da survegnir asil en Germania èn las pli autas. Perquai vegnian els er a surmuntar la saiv tranter la Serbia e l’Ungaria.