Il privel è grond en spezial sin spundas taissas da tuttas exposiziuns sur 1800 meters. Durant la notg sajan vinavant pussaivlas fitg grondas e per part er extremamain grondas lavinas. Ellas possian arrivar fin giu en las valladas.
Il pli aut privel da lavinas na vala betg savens en Svizra. Las davosas duas giadas en stadas il schaner 2018 e durant l'onn da lavinas il 1999.
Orcans
Sper la blera naiv fetschian ils ferms vents quitads. La notg passada han ins mesirà sin il Titlis spertezzas da 155 kilometers l'ura, sin il Crap Masegn en il territori da skis da Laax fin a 139 kilometers l'ura.
Prognosas
Enfin mardi quintan ils meteorologs da SRF Meteo anc cun dapli naiv nova. Oz durant il di e la notg vegni anc a naiver - dentant pli pauc che la notg passada. I vegnia strusch a dar dapli che 20 centimeters. Damaun a bun’ura vegn l’aura lura a midar. Quai di Gaudenz Flury da SRF Meteo.
Era ils vents vegnan anc a buffar enfin damaun marvegl. Las temperaturas vegnan ils proxims dis a restar enturn 0 grads.
Situaziun da lavinas en Svizra
RR novitads 20:00++
