Siglir tar il cuntegn

Header

cuntegn

Situaziun paradoxa Lavur curta en ospitals durant la crisa da corona

En il sectur da sanadad svizzer prestan passa 20'000 emploiads lavur curta malgrà la crisa da corona. Quai perquai ch'igl è il mument scumandà da far tractaments betg urgents.

Purtret d'in letg vid en in ospital.
Legenda: Durant la pli gronda crisa dapi 100 onns, han blers ospitals dentant annunzià lavur curta. Keystone

Il Cussegl federal ha defendì questa strategia cun il fatg ch'ins stoppia quintar che las capacitads dals ospitals vegnian al limit. Radund 3'000 persunas èn dapi l'entschatta da la crisa vegnidas ospitalisadas. Actualmain sa chattian radund 400 pazients sin staziuns intensivas. Quellas partiziuns han da far ils mauns plains cun quels cas. Ch'auters secturs vegnian perquai bloccads, hajan ins stuì prender en cumpra, ha ditg il minister da sanadad Alain Berset.

Schluccar las mesiras fin la fin dal mais

A partir da la fin d'avrigl, duain las mesiras da corona plaunsieu vegnir schluccadas. Berset ha fatg allusiun ch'er ils ospitals dastgan sperar sin ina schluccada. Fin questa gievgia vul il Cussegl federal decider cun tge schluccadas ch'ils ospitals pon quintar.

Ord l'archiv:

Betg be ils ospitals, ma er ils medis da chasa han da cumbatter cun pli pauca lavur. Er els han per part stuì annunziar lavur curta.

video
Paradox: Ils medis da chasa han prest 80% pli pauca lavur
Or da Telesguard dals 31.03.2020.
laschar ir

RTR novitads 11:00

Artitgels legids il pli savens

Ir a sanester Ir a dretg