Svizra - Situaziun pli amiaivla per l'economia svizra
La situaziun economica en il sectur da l’economia privata è sa meglierada lev il fanadur. Quai resorta da l'indicatur dal KOF, il post da perscrutaziun da conjunctura da l'ETH da Turitg che ha fatg retschertgas tar 4500 firmas svizras. La decisiun da Brexit ha sco i para strusch consequenzas.
En cumparegliaziun cun il zercladur mussa il barometer da conjunctura in plus da 0,9 puncts en il segund quartal in plus da 1,6 puncts.
I dat dentant differenzas. Tar il commerzi a l'engrossa è la situaziun sa meglierada marcantamain. Tar il commerzi en detagl èn las valitaziuns main bunas. Las interpresas da servetschs giuditgeschan lur situaziun sco megliera ed en il sectur da construcziun n'èn las valitaziuns betg sa midadas.
