Siglir tar il cuntegn

Header

cuntegn

Situaziun tendida en ospitals Persunal da tgira pretenda acziuns immediatas

La politica e la populaziun stoppian agir urgentamain per rumper la unda da corona actuala. Uschiglio na pudessi betg avair avunda letgs libers sin las staziuns intensivas. Quai scriva Associaziun svizra da las tgirunzas e dals tgirunzs SBK.

En Svizra tudestga saja il provediment sin l’intensiva en privel ed er en la Svizra franzosa sa pegiureschia la situaziun. En pli manchia il persunal sin las staziuns intensivas, perquai che bler persunal dal fatg haja midà professiun, reducì il pensum u saja sez malsaun. Sch’ils ospitals stoppian cumenzar a far triascha muntia quai che tgi ch’è malsaun u ha in accident sto spetgar fin ch’agid arriva, hai num vinavant.

Perquai fa l’associaziun pretensiuns: reducir contacts persunals, tests da corona gratuits per tuts e vaccinar svelt il booster. En pli accentuescha l’associaziun ch’il persunal da tgira stoppia vegnir protegì meglier, e persunas da tgira duain gudagnar durant la pandemia 1’000 francs il mais dapli.

RTR novitads 20:00

Artitgels legids il pli savens

Scrollar a sanestra Scrollar a dretga