Mesemna saira haja il davos sgol tenor plan gì lieu. Per motivs da segirezza hajan ins dentant pir infurmà davart la terminaziun dal manaschi, suenter ch’il davos sgol era sa tschentà. Quai ha communitgà SkyWork. Ins n’haja betg pli gì avunda resursas finanzialas per manar vinavant il manaschi.
Tenor l’Uffizi federal d’aviatica civila BAZL èn passa 11’000 passagiers e radund 100 collavuraturs da l'interpresa pertutgads. L'eroport Bern-Belp perda cun il «grounding» da SkyWork ses pli impurtant client. L'existenza da la plazza aviatica na saja dentant betg periclitada. Quai ha communitgà il gestiunari da l'eroport.
SkyWork era vegnida fundada il 1983. Avant stgars in onn ha la societad aviatica survegnì problems finanzials. L'october 2017 ha il manaschi en consequenza stuì vegnir interrut per trais dis.
RR novitads 06:00
