Fin mez settember èn najadas bunamain 60 persunas en Svizra. Quai scriva la Societad svizra da salvament en ina communicaziun. En la media da plirs onns èn najads be 46 persunas l'entir onn. 90% dals accidents èn capitads en lais e flums, be trais cas mortals hai dà en bogns.
Dapli umens che dunnas
Dunnas n'èn strusch najadas, 80% da las unfrendas èn stads umens. Tar la vegliadetgna è la tendenza dapi blers onns che las unfrendas èn savens tranter 15 fin 30 onns. Creschì è dentant la cumpart d'accidents mortals tar persunas da 70 fin 85 onns. La raschun daco ch'il dumber è uschè frequent en quellas vegliadetgnas n'è betg enconuschent.
Impurtant saja da resguardar las reglas da nudar en flums e lais, scriva la societad. Ella giuditgescha che blers sutvaliteschian il privel che las auas libras pon porscher e survaliteschian l'agen pudair.
Or da l'archiv
