L’agir da l’ambassada russa a Berna saja inacceptabel, scriva l’EDA sin twitter. Quai vegnia ditg a moda clera e netta a l’ambassadur russ.
La reacziun succeda suenter ina communicaziun da l’ambassada russa en Svizra cunter in artitgel da la Neue Zürcher Zeitung. La communicaziun menziunescha il num dal schurnalist e declera tge consequenzas penalas en Russia ch'il text pudess avair per l'um. Quai pudessan esser in chasti pecuniar, lavur sfurzada u plirs onns praschun. L’artitgel che l’ambassada russa crititgescha ha tranter auter tematisà la resistenza ucranaisa en la citad da Melitopol.
audio
Per tadlar curt e cumpact
ord RTR Audio dals 20.04.2023.
laschar ir. Durada: 51 Secundas.