Senza smartphone na funcziuna il mintgadi betg optimal per blers. Cun quests tips vegni schizunt anc meglier.
1. Reglar las notificaziuns per mintga app
Mintga app survegn per regla la permissiun da trametter notificaziuns – e fa quai era diligentamain. Da quai po dentant patir nossa concentraziun e nossa productivitad.
Vus pudais tschentar or tar mintg’app ch'è vegnida installada da nov la lubientscha da trametter notificaziuns. Nun ch'ella duai far quai explicitamain. Giai en ils parameters dal sistem («simbol da la roda dentada»), sin «apps» e tscherni l'app, nua che Vus vulais smetter tge notificaziuns che duain esser admessas – u betg.
2. Transmetter fotografias e videos
Cun il smartphone avain nus adina cun nus in album gigantic da fotografias. Per ch'ins na perda betg quel, duessas Vus sincronisar las datotecas sin ina cloud, p.ex. quella dad Apple u da Google.
Per memorisar maletgs e videos sin il computer pudais Vus colliar il smartphone cun in cabel dad USB C. Il telefonin cumpara sco girader en il Windows Explorer e Vus pudais avair access a las datotecas.
Attenziun: computers dad Android e quels da Mac n'han betg gugent in l'auter, perquai che OS X n'ha betg integrà il protocol dad OTP. Il Mac enconuscha perquai il telefonin dad Android pir cur che Vus avais installà in program sco per exempel «Macdroid».
Bun da savair: Vus pudais er colliar in disc dir u ina stick dad USB cun la colliaziun USB-C da Voss telefonin. Avri lura l'app «Dateimanager» e copiai las datotecas giavischadas sin il med d’arcunar.
3. Diriger pleds clav
Activai tar Voss servetschs impurtants l'autentificaziun da dus facturs. Vus survegnis alura in SMS che Vus stuais endatar supplementarmain tar il num d'utilisader ed il pled-clav tar l'annunzia.
Ubain che Vus generais in code d'access cun l'app «Authenticator». Faschai attenziun che quest'applicaziun sincroniseschia Voss codes sin ina cloud (p.ex. B. «Autenthicator» da Google u da Microsoft), uschiglio n'avais Vus betg pli access als servetschs, sch'il telefonin va a perder.
4. Metter cartas da plastic sin il telefonin
Voss telefonin ha integrà ina bursa, numnada «Wallet». Uschia pudais Vus metter ina carta en il «wallet»: Tipai sin il «+» en l'app «Wallet» e fotografai las duas surfatschas da la carta fisica. Sch'i sa tracta d'ina carta da banca (carta da credit/carta da debit), percorscha voss apparat quai ed instradescha per il solit ina controlla tar Vossa banca. Sche quella è positiva, è la carta en il «Wallet» e Vus pudais a partir d'immediat tegnair il telefonin al terminal da pajar en fatschenta.
5. E-SIM
Er la carta SIM daventa nunnecessaria. Voss pendant digital ha num: e-SIM. Vus stuais mo fotografar il code da QR che Vus avais survegnì dal gestiunari da la rait per activar quella.
Cun l’e-Sim han ins la pussaivladad da cumprar volumen da datas cura ch’ins è en l’exteriur ch'è per regla bler pli favuraivel che las pauschalas offridas dals purschiders en Svizra. La tschertga en l'internet da «pachets da datas E-SIM» mussa tozzels purschiders. Vus pudais cumprar in pachet da datas en l'app d'in purschider u sin sia pagina d'internet. Suenter il pajament èsi mo pli da fotografar il code QR che cumpara.
Controllai sin tge raits che Voss «abunament da curta durada» è valaivel en il pajais tschernì e sche per exempel 5G vegn sustegnì per ina sveltezza maximala.