L'emprima giada dapi il 2011 è il dumber da tractaments staziunars en ospitals svizzers ì enavos il 2020. E quai per prest 5.8% cumpareglià cun l'onn avant, sco che l'Uffizi federal per statistica BfS scriva.
Raschun per las cifras sbassadas saja la pandemia da Covid. Tranter auter perquai che la Confederaziun aveva scumandà operaziuns betg necessarias.
L'onn 2020 sajan total passa 36'000 persunas vegnidas ospitalisadas pervi da corona. Prest 4'800 da quellas èn vegnidas sin staziuns intensivas. La mortalitad dals pazients sin l'intensiva è stada tar 26% tar cas cun Covid-19 cumpareglià cun 8% tar cas senza diagnosa da Covid.
audio
Per tadlar curt e cumpact
ord RTR Audio dals 19.11.2021.
laschar ir. Durada: 1 minuta 3 Secundas.