La Banca naziunala svizra paja duas ulteriuras milliardas francs a la Confederaziun ed ils chantuns. La raschun èn las grondas reservas, sco la banca ha annunzià. La Confederaziun ed ils chantuns survegnan uschia per l'onn 2019 quatter enstagl da duas milliardas francs. La cunvegna supplementara valia er per l'onn current.
La banca naziunala ha fatg l'onn passà in gudogn da bunamain 49 milliardas francs. Da contribuir saja quest resultat cunzunt a las valutas estras ed a las reservas d'aur.
RTR novitads 08:00