La societad affiliada da la banca gronda Credit Suisse ha cumenzà uffizialmain ses manaschi. La Credit Suisse SA tutga cumplettamain tar la segund gronda banca svizra e concentrescha tut las activitads svizras. L'institut ha in'atgna licenza da banca.
Princip «too big to fail» sco punct da partenza
Sco quai che la CS communitgescha saja questa societad vegnida stgaffida per pudair reagir meglier sin in cas d'urgenza. Quai capitia en il rom da las regulaziuns da la lescha «too-big-to-fail». Fin il 2017 duai la societad svizra ir a la bursa.
Manaschi da la Credit Suisse SA è in'etappa impurtanta
Per il schef da la CS Tidjane Thiam è il fatg che la Credit Suisse SA ha cumenzà ses manaschi ina etappa impurtant da la strategia da l’interpresa. Quai na serva be per realisar las regulaziuns ma era per engrondir la participaziun al martgà sco banca universala.
Gronda restructuraziun
La Credit Suisse è vidlonder dad effectuar ina gronda restructuraziun. Sper la nova societad affiliada per las activitads svizras vul la banca ussa sa concentrar sin l’administraziun da la facultad e sin l’uschenumnà «investment banking».
RR novitads 10:00