L'interpresa Sempione Fashion gestiunescha 140 fatschentas d'OVS en Svizra. Tut en tut occupescha ella passa 1'100 collavuraturs en Svizra. Malgrà investiziuns e mesiras da spargn n'haja la fatschenta fin uss betg chattà ina basa profitabla per il martgà svizzer, uschia scrivan ils responsabels vinavant. I na saja betg reussì da sa posiziunar sco giavischà en Svizra e quai haja manà a la miseria finanziala.
Finamira dal moratori saja dad evitar in concurs ed uschia pussibilitar ina vendita da liquidaziun ubain da vender ina part da las filialas ad autras interpresas. Las butias da OVS eran oriundamain anteriuras filialas da Charles Vögele ch'è vegnì vendì il 2016 al concern talian.
RR novitads 20:00