Siglir tar il cuntegn

Header

L'aviun Solar Impulse 2 sgola sur Hawai.
Legenda: Ils 3 da mars 2016 ha il Solar Impulse 2 fatg in sgol da test sur Hawai. Reuters
cuntegn

Svizra Solar Impulse 2 en curt puspè en l’aria

L'aviun Solar Impulse 2 duai reprender ses viadi enturn il mund mez avrigl. Il fanadur 2015 aveva l'aviun stuì interrumper ses viadi pervi da problems cun battarias.

Premess che las cundiziuns climaticas lubeschian duai l'aviun solar partir ils 15 d'avrigl da Hawai, ha in pledader dals organisaturs dal sgol ditg a l'agentura da novitads AFP. L'aviun vegn a sgular en direcziun da la costa nord-americana. Il lieu da destinaziun n'è dentant anc betg fixà, en dumonda vegnan Riverside datiers da Los Angeles, Mountain View datiers da San Francisco u Phoenix en il stadi Arizona.

L'aviun solar da Bertrand Piccard era partì ils 9 da mars 2015 da Abu Dhabi. Suenter var 18’000 kilometers aveva in donn vi da las battarias interrut il viadi da l'aviun solar il fanadur a Hawai.

RR Novitads 21:00

afp/ba

Artitgels legì il pli savens

Nach links scrollen Nach rechts scrollen