Siglir tar il cuntegn

Header

video
Simonetta Sommaruga a Roma
Or da News-Clip dals 29.09.2020.
laschar ir
cuntegn

Sommaruga a Roma Primminister talian vul signar cunvegna da cunfinaris

La presidenta da la Confederaziun, Simonetta Sommaruga, è vegnida beneventada il mardi a Roma dal primminister da l'Italia, Giuseppe Conte. Tema dal discurs è tranter auter stà la cunvegna da cunfinaris tranter ils dus pajais. Conte ha confermà ch'el veglia serrar giu tant pli svelt quella.

La cunvegna è gia pronta dapi il 2015 e duai procurar che cunfinaris pajan en omadus pajais taglia, dentant a moda coordinada. Actualmain pajan cunfinaris talians mo en Svizra taglia, l'Italia survegn dentant pli tard in bun terz. Ina giada che la cunvegna è suttascritta, sto ella anc vegnir approvada dals parlaments da l'Italia e la Svizra.

En Svizra vivan actualmain radund 320'000 burgais talians. Ils Talians furman uschia la pli gronda gruppa dad esters en Svizra. Ultra da quai penduleschan mintga di passa 70'000 cunfinaris e cunfinarias da l'Italia en Svizra per lavurar.

RTR novitads 16:00

Artitgels legids il pli savens

Scrollar a sanestra Scrollar a dretga